广州凉拌粉哪家好吃（众多网友推荐的广式凉拌店味道如何）

江南西一向出名多嘢食，大街小巷都隐藏着各种餐饮店，但佢地嘅出品质素如何，就真系见仁见智啦

今期饭团去探嘅呢间店，佢系某点评网站入面【广州小吃快餐热门榜】排行第一

唔少网友都对佢赞赏有加，大打五星满分好评

佢就系去位于江南西青凤大街嘅【三合广式凉拌】

最近嘅天气又热又焗，食凉拌就岩嘎啦

再加上呢间店大打“广式凉拌”嘅旗号，更加勾起饭团对佢嘅好奇

店面面积不大，所以不设堂食，但可选择嘅餐品种类都算多

（温馨提示：店铺对面有个凉亭，大家想即场食，可以选择去果到，但记得食完唔好留手尾）

价格方面，老实讲，有点少贵，但毕竟系位于江南西，所以价钱贵D都算正常

（饭团就是这样安慰自己，忍痛埋单）

今次饭团买唑两盒最多人推荐嘅凉拌，分别系章鱼脚同扇贝

口味方面都系拣唑少辣、要芫荽、要蒜

章鱼脚系呢间店铺最多人推荐嘅凉拌

足足有121位网友推荐

见到有咁多网友推荐，原本饭团对佢嘅期待值都几高噶

不过食完发觉应唑果句“期望越大，失望越大”

虽然呢度嘅章鱼脚系就系几粗大、几有口感

但唔知系唔系饭团拣唑少辣嘅关系，食落无咩味，完全好似白烚咁

再加上呢度嘅章鱼脚系常温，所以系口感方面无雪过的咁爽脆弹牙

（建议大家，如果真系想食，可以考虑带翻屋企雪下再食）

呢到嘅扇贝质量同样系唔错的，粒粒都好饱满大只

但同样系因为无雪过，所以口感方面始终都系差D，比较偏软身不弹牙

味道方面，虽然落单嘅时候系同章鱼脚一样，系少辣要芫荽蒜

不过佢嘅味道会比章鱼脚浓郁好多，有香浓的芫荽蒜味，但相对地味道都偏咸好多

（饭团食完后都忍不住买唑支水饮，因为食完真系会好口渴）

【三合广式凉拌】的原材料系不错的，睇得出店主系选材方面好用心

而且作为街头小食黎讲，分量方面都唔少

但味道方面饭团觉得都仲系有待改进

好啦，今期嘅探店之旅就到呢到

大家记得关注【揾食饭团】，同饭团一起云觅食

我地下期再见，Bye~